சித்திரை ஒன்று இன்று

சித்திரை ஒன்று இன்று
நித்திரை விட்டு எழு நன்று

கதிரவன் ராசி முதலாம் அதில் சேர
மேஷத்தின் புதுமை
வேஷத்திலும் உண்டாகட்டும்

கணி கண்டு மகிழ்
நாளுணவு உண்டு மகிழ்

கை நீட்டித் தந்து மகிழ்
பெற்று மகிழ்

இயற்கையை தன்னுயிராக நினைத்து அரவணை
இன்னல் இல்லா வையகத்திற்காக வேண்டுதல் வை

அம்மை அப்பனை ஆசானை அகிலமாவனை வணங்கு
ஆவியான முன்னோர்களையும் நினைந்து

நன்கு பயிர் உயிர்க்க
மழை பொழிய
பால் வளம் பெருக
நற்தேன் உண்ண
உழவன் சிரிக்க
உயிர்கள் நிலைக்க

மாற்றங்களை மனதோடு சேர்த்து
மண்ணின் மணத்தை முகர்ந்து
தொட்டு நெற்றியில் இட்டு
வாழ்க்கையில் விபூதி காண
வானளவு வாழ்த்துக்கள்